Dy futbollistë të Kombëtares shqiptare janë pranë ndërrimit të skuadreve këtë verë.
Enea Mihaj është në bisedime me Verona-n dhe Cremonese-n, ndërsa kontrata me Famalicaon përfundon brenda pak ditësh. Mbrojtësi 26-vjeçar pati një sezon të mirë në Portugali, duke luajtur 29 ndeshje dhe shpesh si kapiten.
Ndërkohë, Ylber Ramadani ka marrë një ofertë të majme nga klubi Al Ain në Emiratet e Bashkuara Arabe, që i ofron mbi 1 milion euro në vit për tre vite. Lecce kërkon 7 milionë euro për kartonin e tij, ndërsa vetë mesfushori është i hapur për një aventurë të re.
