Një moment tensioni ka shpërthyer në Kuvend mes Sekretarit të Përgjithshëm të PD, Flamur Noka, dhe kryeparlamentares Elisa Spiropali. Noka ka kërkuar që kreu i PD-së, Sali Berisha, të ketë më shumë minuta për të folur, duke e akuzuar Spiropalin për “budallallëqe” në mënyrën e organizimit të seancës.
Kryeparlamentarja ka reaguar me ashpërsi, duke i tërhequr vëmendjen Nokës dhe paralajmëruar se mund ta përjashtojë nga seanca për fjalorin e tij. “Ju tërheq vëmendjen për fjalorin ose do t’ju nxjerr nga seanca. Përmbahuni. Jua kam dhënë fjalën disa herë për çështjen. Nuk mund ta merrni fjalën për procedurë me përsëritje. Ule atë gisht, fjalën e ka Berisha 10 minuta”, ka deklaruar ajo, duke i dhënë fund diskutimit në këtë moment tensioni.
