Policia e Fierit ka finalizuar një operacion antidrogë në kuadër të operacionit “Koordinata”, duke goditur një tjetër rast të kultivimit të bimëve narkotike. Gjatë natës në fshatin Rreth Libofshë u zbuluan dhe u shkatërruan 284 bimë Cannabis Sativa, të kultivuara në dy parcela toke me pronësi publike.
Në vendin e ngjarjes u arrestuan dy persona: A. Sh., 50 vjeç nga Tirana, dhe J. B., 28 vjeç nga fshati Rreth Libofshë. Sipas hetimeve paraprake, të dy dyshohen për kultivimin në bashkëpunim të lëndës narkotike.
Bimët narkotike u asgjësuan në vendngjarje, ndërsa operacioni “Koordinata” vijon me kontrolle intensive në gjithë qarkun e Fierit, bazuar në informacione operative.
