Kryetari i Aleancës për Ardhmërinë e Kosovës Ramush Haradinaj theksoi rëndësinë e bashkëpunimit mes partive politike për të arritur konstituimin e Kuvendit të Kosovës.
Ai u shpreh se vendimi i fundit i Gjykatës Kushtetuese ka krijuar kushtet e nevojshme për rikthimin e votimit të hapur në seancën konstituive.
Haradinaj njoftoi se partia e tij do të kërkojë një konsultë me kryesuesin e seancës, Avni Dehari, për të diskutuar mundësinë që votimi për kryeparlamentarin të bëhet në mënyrë të hapur, duke kundërshtuar kështu idenë e votimit të fshehtë.
