Ish-prokurori i Durrësit, Arjan Ndoji, është paraqitur sot në SPAK për të dëshmuar në gjyqin lidhur me atentatin që iu bë në vitin 2019 pranë mbikalimit të urës së Shkozetit. Në këtë sulm mbeti i vrarë shoferi Andi Maloku, ndërsa Ndoji dhe Aleksandër Laho u plagosën.
Për këtë ngjarje është arrestuar Plarent Dervishaj, ndërsa prokuroria ka identifikuar disa të dyshuar të tjerë që kanë ndihmuar në organizimin e atentatit, duke siguruar armët, automjetet dhe informacione për lëvizjet e viktimave.
SPAK po vijon hetimet dhe gjykimin për këtë çështje, si dhe për ngjarje të tjera kriminale të lidhura me grupin e përfshirë në sulm.
