Policia e Shtetit ka arrestuar në fshatin Barbullush, Vau i Dejës, 23-vjeçarin Ergys Arrnjeti, i cili dyshohet si pjesëtar i një organizate kriminale për trafikim të lëndëve narkotike. Arrestimi u krye gjatë operacionit të koduar “Operacionalja 49”, në bashkëpunim me autoritetet italiane dhe rrjetin ENFAST.
Arrnjeti ishte i shpallur në kërkim ndërkombëtar nga Gjykata e L’Aquilës në Itali, e cila në vitin 2024 caktoi ndaj tij masën e sigurisë “Arrest në burg” për veprën penale të trafikimit të drogës, që parashikon deri në 24 vjet burgim.
