Deputeti i ri i Partisë Socialiste për Qarkun e Vlorë, Ardit Bido, ka komentuar sot zhvillimet e zgjedhjeve të 11 majit, duke i cilësuar ato si zgjedhje normale dhe një sukses për demokracinë në Shqipëri.
Në një intervistë televizive, Bido tha se për herë të parë në shumë vite, procesi u zhvillua pa pengesa dhe me një angazhim të plotë nga të gjitha palët. Ai gjithashtu theksoi se reagimi i ndërkombëtarëve tregon një besim më të madh në funksionimin e sistemit demokratik shqiptar.
Sipas tij, ky proces i hap rrugën organizimit të ngjarjeve të mëdha në vend dhe përparimit drejt integrimit europian.
