Europa është në gatishmëri të lartë për shkak të valës së parë të madhe të të nxehtit këtë verë. Në Spanjë, agjencia e motit paralajmëron temperatura deri në 42 gradë Celsius në jug të vendit.
Autoritetet në Madrid këshillojnë qytetarët të qëndrojnë në hije dhe të konsumojnë shumë lëngje, sidomos grupet më të ndjeshme.
Në Portugali, dy të tretat e vendit janë në alarm për rrezikun e zjarreve, ndërsa në Francë pishinat publike do të jenë falas për t’i ndihmuar banorët të freskohen.
Në Itali, temperatura pritet të arrijnë deri në 39 gradë Celsius, ndërsa disa rajone kanë ndalime për punën në natyrë gjatë orëve të nxehta.
