Kryeministri kanadez Mark Carney njoftoi të dielën se bisedimet tregtare me Shtetet e Bashkuara janë rifilluar, pasi qeveria kanadeze vendosi të tërhiqet nga taksa e planifikuar për shërbimet digjitale ndaj kompanive amerikane.
Vendimi erdhi pas paralajmërimit të presidentit amerikan Donald Trump, i cili e cilësoi taksën si “sulm të drejtpërdrejtë” dhe kërcënoi me pezullimin e negociatave.
Pas një bisede telefonike mes Carney dhe Trump, të dy liderët ranë dakord për rifillimin e negociatave, me synimin për të arritur një marrëveshje tregtare deri më 21 korrik 2025, sipas dakordësisë së arritur në Samitin e G7 në Kananaskis.
