Sot dhe nesër me 1 korrik do të mbahet samiti dyditor në Shkup, ku liderët e Ballkanit Perëndimor dhe përfaqësuesit e Bashkimit Evropian diskutojnë mbi zbatimin e Planit të Rritjes.
Nesër në samit do të flasin kryeministri i Kosovës, Albin Kurti dhe ai i Serbisë, Aleksandar Vuçiç. Fokusi kryesor nesër është vlerësimi i Planit të Rritjes dhe propozimet për iniciativat e reja dhe bashkëpunimin ekonomik përmes Tregut të Përbashkët Rajonal.
Samiti përfshin dy panele diskutimi dhe do të përmbyllet me një konferencë për shtyp dhe drekë zyrtare. Gjithashtu në samit do të marrë pjesë edhe kryeministri i Shqipërisë, Edi Rama.
