Në Kryesinë e Kuvendit Kryetarja Elisa Spiropali priti Kryetarin e Komisionit për Politikën e Jashtme të Asamblesë së Madhe Kombëtare të Turqisë, Fuat Oktay, së bashku me anëtarët e komisionit që e shoqëronin.
Në takim ishin gjithashtu të pranishëm deputetët Antoneta Dhima, Petro Koçi dhe Kreshnik Çollaku, pjesë e Grupit Parlamentar të Miqësisë Shqipëri-Turqi.
Pjesë e diskutimeve ishin tema të rëndësishme për forcimin e marrëdhënieve parlamentare, si dhe mbështetja për partneritetin strategjik mes Shqipërisë dhe Turqisë.
Ata folën gjithashtu për bashkëpunimin në kuadër të NATO-s, përkrahjen për perspektivën euro-atlantike të Kosovës dhe angazhimin e dy vendeve për ruajtjen e paqes dhe sigurisë në rajon.
