Qeveria e Kosovës ka nisur ndërtimin e dy urave të reja mbi lumin Ibër në Mitrovicën e Veriut, njëra për këmbësorë dhe tjetra për automjete, me qëllim lidhjen e veriut dhe jugut të qytetit.
Veprimi u ndërmor pa koordinim me ndërkombëtarët, pavarësisht paralajmërimeve nga BE dhe SHBA, të cilët e cilësuan projektin të njëanshëm dhe rrezik për stabilitetin në veri të vendit. BE konfirmoi se nuk ishte informuar për vendimin.
Kryeministri në detyrë, Albin Kurti, mori pjesë vetë në ceremoninë e gurthemelit dhe u shpreh i gatshëm të japë shpjegime për çdo dilemë. Gjatë ngjarjes, 6 persona u ndaluan dhe u gjobitën nga policia për moszbatim urdhrash.
