Kryeministri Edi Rama theksoi sot gjatë një takimi me fermerë se bujqësia duhet të kalojë nga koncepti i subvencionit për mbijetesë në një model biznesi të qëndrueshëm dhe fitimprurës.
Ai nënvizoi se zhvillimi i sipërmarrjes rurale është kyç për të sjellë jetë dhe prosperitet në zonat fshatare.
Rama kërkoi që pushteti vendor të luajë rol mbështetës, duke lehtësuar procedurat për fermerët dhe sipërmarrësit, në vend që të jetë pengesë për zhvillimin e projekteve.
Sipas tij, kjo është thelbësore për rritjen e agro-përpunimit dhe zgjerimin e eksporteve bujqësore.
“Duhet ta bëjmë bujqësinë një sipërmarrje që prodhon fitim dhe zhvillon jetën në fshat, jo thjesht një burim subvencionesh,” u shpreh kryeministri.
