Presidentja e Kosovës, Vjosa Osmani, ka nisur një seri takimesh me përfaqësues të partive politike në përpjekje për të zgjidhur krizën institucionale dhe për të mundësuar konstituimin e Kuvendit.
Pas takimeve të së mërkurës me liderët e VV-së, PDK-së, LDK-së dhe AAK-së, Osmani ka vazhduar sot konsultimet me përfaqësues të tjerë politikë, përfshirë Faton Peci nga Guxo dhe Duda Balje nga komuniteti boshnjak.
Në njoftimin zyrtar, Presidenca thekson se presidentja u ka bërë thirrje liderëve të arrijnë pajtueshmëri brenda afatit 30-ditor të përcaktuar nga Gjykata Kushtetuese, në mënyrë që të zhbllokohen proceset institucionale në vend.
