Paraditen e së shtunës, Kuvendi i Kosovës u kërcënua me mesazh për një mjet shpërthyes në objektin e tij. Kryeprokurori i Prokurorisë Themelore në Prishtinë, Zejnullah Gashi, bëri me dije se alarmi ka rezultuar i falsifikuar.
Një person me zë mashkulli, duke folur në anglisht me aksent që dyshohet të jetë i “shteteve jo mike”, ka telefonuar dhe ka kërcënuar Kuvendin. Policia, njësitë K9 dhe ekipet për deminim kanë kontrolluar vendin dhe nuk është gjetur asnjë rrezik.
