Ambasadori i Shqipërisë në Uashington, Ervin Bushati ka zhvilluar një takim me Sekretarin amerikan Marco Rubio.Bushati me anë të një postimi në rrjete sociale e ka cilësuar Marco Rubion si mik i shqiptarëve.
Ai e ka ftuar Rubion që të vizitojë Shqipërinë në emër të Edi Ramës. Bushati thotë se Rubio e ka pranuar ftesën duke vlerësuar kontributin e saj në NATO.
“E ftova Sekretarin Rubio të vizitojë Tiranën – Portën e Ballkanit për SHBA – për dy arsye: Së pari, sepse Shqipëria është një sukses i diplomacisë amerikane, duke kaluar nga një diktaturë komuniste në një ndër vendet më pro-amerikane dhe pro-NATO në Europë. Së dyti, sepse jemi një komb i vogël, por me një zemër të madhe si Nënë Tereza, me një mesazh për më shumë dashuri dhe shërbim me përulësi në rrugën drejt BE-së”, shkruan ambasadori.
