Të paktën 24 persona kanë vdekur dhe 25 të tjerë nga një kamp veror për vajza mbeten të zhdukur pas përmbytjeve të menjëhershme që goditën Teksasin të premten.
Presidenti i SHBA-së, Donald Trump,e quajti tragjedinë, e cila ndodhi në Ditën e Pavarësisë, “tronditëse” dhe “të tmerrshme”.
Gjatë natës u zhvillua një operacion kërkim-shpëtimi, me 14 helikopterë, 12 dronë, nëntë ekipe shpëtimi dhe notarë në ujë një total prej 400-500 personash në tokë.
Gjenerali Major i Teksasit, Thomas Suelzer, tha se pesë helikopterë të shoqëruar me notarë shpëtimi u vendosën në vend, si dhe “automjete ushtarake taktike të profilit të lartë” për të zhvendosur të evakuuarit nga zonat me ujë të lartë në strehim. Rreth 237 persona ishin shpëtuar, tha ai.
