Ditën e sotme një aksion pastrimi është zhvilluar në qytetin bregdetar të Vlorë. Në terren kanë qenë të pranishëm ministri i Mbrojtjes, Pirro Vengu, kryetari i bashkisë së Vlorës, Ermal Dredha, si dhe deputetët e zgjedhur të qarkut, të cilët kanë ndjekur nga afër aksionin e pastrimit.
Në fokus të aksionit të sotëm ka qenë edhe Pylli i Sodës, i cili prej kohësh është kthyer në një problem serioz për shkak të ndotjes dhe mungesës së mirëmbajtjes. Gjithashtu edhe Lungomare, zona turistike më e preferuar për turistët dhe qytetarët.
Kryetari i bashkisë së Vlorës, Ermal Dredha u shpreh se puna do të vijojë pa ndërprerje, si dhe paralajmëroi masa të rrepta për ata që cënojnë mjedisin ose zaptojnë hapësirat publike.
