Kryeministri i Maqedonisë së Veriut, Hristijan Mickoski ka paralajmëruar masa të reja për të përballuar krizën demografike në vend.
Mickoski ka propozuar mundësinë e vendosjes së taksave për personat që janë beqarë si pjesë e përpjekjeve për të nxitur lindjet.
Ai tha se në katër vitet e fundit vendi ka humbur më shumë se 33 mijë banorë. Gjithashtu shtoi se norma e lindjeve ka rënë ndjeshëm nga 12,5% në vitin 2010 në 8,8% në vitin 2024.
Mickoski tha se në vitin 2024, lindjet në vend ishin vetëm 16.061, ndërsa vdekjet arritën në 20.201, duke sjellë një rënie natyrore prej mbi 4 mijë personash.
