Një zjarri i fuqishëm u shfaq në fshatin Zgërbonjë, në Njësinë Administrative Vërtop të Poliçanit. Flakët u përhapën drejt një kodre me pisha, duke u favorizuar nga era dhe temperaturat e larta.
Drejt vendit të ngjarjes u nisën dy mjete zjarrfikëse nga Berati me 7 efektivë, për t’iu ardhur në ndihmë zjarrfikësve vendas të Poliçanit. Për shkak të vështirësive për të futur automjetet në zonën e zjarrit, ndërhyrja kryesisht u bë me mjete rrethanore dhe pompa uji që mbanin zjarrfikësit në krah.
Ndërsa situata është vendosur nën kontroll, zjarrfikësit vazhdojnë monitorimin e vatrave të nxehta për të parandaluar përhapjen e flakëve.
