Presidenti i Republikës, Bajram Begaj, ka përshëndetur vendimin e Parlamentit Evropian për miratimin e rezolutës që vlerëson ecurinë e reformave të Shqipërisë për vitet 2023–2024.
Në një postim në rrjetet sociale, Presidenti thekson se ky vendim është një mbështetje e rëndësishme për rrugën që Shqipëria po ndjek drejt anëtarësimit në Bashkimin Evropian.
Ai nxit të gjithë aktorët politikë që të vazhdojnë me angazhim dhe bashkëpunim për të zbatuar çdo pjesë të rezolutës.
“Ky konfirmim na jep energji për të ecur përpara me reformën. Mirënjohja më e madhe bëhet me punë konkrete dhe unitet,” shkruan Presidenti Begaj.
