Një 61-vjeçar nga Delvina është arrestuar pas zbulimit të një parcelë kanabisi në kopshtin e banesës së tij. Pas një operacioni të zhvilluar nga policia, në lagjen “9 Tetori” u gjetën 17 bimë kanabisi të kultivuara në mënyrë të paligjshme.
Hetimet zbuluan gjithashtu se Jakup Mehmeti kishte ndërhyrë në rrjetin e ujësjellësit për të siguruar ujitjen e bimëve narkotike dhe kishte kryer ndërtime pa leje në banesën e tij.
Pas asgjësimit të bimëve narkotike me djegie, materialet u kaluan në prokurori me akuza për kultivim të bimëve narkotike, ndërtim të paligjshëm dhe shkatërrim të rrjetit të ujësjellësit.
