Ilir Meta i ka drejtuar Gjykatës Kushtetuese një kërkesë për shfuqizimin e vendimit të Gjykatës së Lartë, më 27 shkurt, që e la atë në paraburgim.
Kreu i Partisë Lëvizja për Ndryshim kërkon lirimin nga qelia përmes avokatit të tij, Kujtim Cakrani. Në kërkesë, Meta kërkon gjithashtu shfuqizimin e një vendimi më të hershëm të Apelit në GJKKO, datë 19 nëntor 2024, që po ashtu e mbajti në burg.
Ish-presidenti mbahet i izoluar prej 21 nëntorit 2024 në burgun 313 në Tiranë. Ai po hetohet për aferën CEZ/DIA, për lobingjet në Uashington dhe për periudhën kur bashkëqeveriste LSI me Partinë Demokratike.
