Reperi i njohur shqiptar Noizy ka reaguar pas ndalimit të tij të shtunën, më 5 korrik, nga autoritetet zvicerane në aeroportin e Zyrihut. Në një postim në rrjetet sociale, ai sqaroi se gjithçka kishte ndodhur për shkak të një keqkuptimi të rëndë, të shkaktuar nga një shpifje.
“Noizy” theksoi se ka qenë i përfshirë në një procedurë verifikimi nga autoritetet, por gjithçka është zgjidhur dhe ai është kthyer sërish pranë fansave.
“Një keqkuptim i rëndë, i shkaktuar nga një shpifje e pastër, më përfshiu padrejtësisht në një procedurë verifikimi nga autoritetet zvicerane. Autori i kësaj shpifjeje do të përballet me pasojat ligjore. Tani gjithçka është pas krahëve. Jam sërish me ju, për të çuar përpara koncertet dhe albumin e ri. MAMA JA DOLA”, shkroi ai.
