Qeveria ka miratuar një vendim të ri që përcakton se deklarimi, ndryshimi dhe saktësimi i vendbanimit ose vendqëndrimit të qytetarëve do të bëhet vetëm në mënyrë elektronike përmes portalit “e-Albania”.
Qytetarët duhet të ngarkojnë dokumente ligjore si kontratë qiraje ose pronësie për të vërtetuar adresën e tyre.
Në rast se dikush regjistrohet në familje tjetër, kërkesa duhet të miratohet online nga kryefamiljari.
Të gjithë anëtarët e familjes duhet të kenë të njëjtën adresë, sipas standardeve ligjore.
Për personat në burgje ose institucione shëndetësore për mbi 3 muaj, institucionet kanë detyrimin të njoftojnë gjendjen civile brenda afateve të përcaktuara.
Ky vendim hyn në fuqi menjëherë pas botimit në Fletoren Zyrtare dhe shfuqizon rregulloren e mëparshme të vitit 2009.
