“Shpërthimi” i flukseve të emigracionit nga Libia ishte shkas për shpalosjen e politikës së re të rreptë që qeveria greke ka planifikuar për çështjen e migracionit. Doktrina e tolerancës zero ndaj emigracionit të paligjshëm që ai dëshiron të zbatojë përmblidhet në frazën “burg apo dalje nga vendi”, e cila u përdor dje në Parlament.
Pezullimi i azilit për tre muaj për ata që mbërrijnë në Kretë me varka, i cili do të votohet sot në Parlament, është fillimi i një sërë masash që parashikojnë shndërrimin e qëndrimit të paligjshëm në vend në vepër penale që do të çojë në burgim deri në pesë vjet, me të vetmen alternativë rikthimin në vendin e origjinës, uljen drastike të përfitimeve dhe ndryshimin e menusë ushqimore.
