Sipas inteligjencës ushtarake të Koresë së Jugut, Pheniani ka furnizuar Rusinë me mbi 12 milionë fishekë me predha artilerie 152 mm, të destinuara për përdorim në konfliktin në Ukrainë. Informacioni është bërë i ditur nga agjencia Yonhap, që ka cituar një raport të mbrojtjes së Seulit.
Ky furnizim vjen pas zotimit të liderit koreano-verior Kim Jong Un për mbështetje të plotë të Rusisë në luftën kundër Ukrainës, gjatë takimit të tij me ministrin rus të Jashtëm Sergei Lavrov.
Në të njëjtën kohë, Pheniani ka dërguar rreth 10,000 ushtarë në Rusi për të marrë pjesë në konflikt, disa prej të cilëve kanë rënë rob lufte. Presidenti ukrainas Zelensky ka bërë thirrje të përsëritura ndaj Pekinit për të ndaluar këtë praktikë.
