Në Gjykatën e Tiranës, i mituri M.P., i dyshuar si autor i vrasjes së Martin Canit, ka dëshmuar për herë të parë lidhur me ngjarjen.
Dëshmia, e kërkuar nga prokuroria, u mbajt në prani të një psikologu, dhe i mituri deklaroi se nuk mbante mend shumicën e detajeve të incidentit.
Ai theksoi se nuk kishte pasur thikë me vete në momentin e ngjarjes, por kishte gjetur një mjet prerës në rrugë.
Përsa i përket shkakut të përleshjes, i dyshuari tha se konflikti kishte nisur disa ditë para ngjarjes, pas një sherri ku ishte goditur me grushte nga Martin Cani.
Ai gjithashtu tregoi se Cani kishte dërguar një ftesë për të sqaruar situatën përmes aplikacionit “SnapChat” dhe se kishte qenë dakord për të biseduar më 13 mars, ditën kur ndodhi vrasja.
