Mbrëmjen e djeshme një shi i rrëmbyeshëm ka goditur shtetet e New Jork dhe New Jersey. Si pasojë kanë humbur jetën dy viktima dhe janë shkaktuar edhe dëme materiale.
Guvernatori i New Jersey, Phil Murphy shpalli gjendjen e emergjencës pasi reshjet përmbytën rrugët kryesore dhe bllokuan qindra makina. Në qytetin Plainfield të New Jersey, dy persona humbën jetën pasi automjeti i tyre u mor përpara nga ujërat.
Ndërsa shërbimi Kombëtar i Motit paralajmëron për rrezik të mëtejshëm përmbytjesh në verilindje të SHBA-ve, por edhe në Florida dhe pjesë të rajonit të Mesëm Perëndimor.
