Në 24 orët e fundit janë regjistruar 20 vatra zjarri në disa zona të Shqipërisë, ku 3 prej tyre vazhdojnë të jenë aktive dhe një tjetër po mbahet nën vëzhgim.
Zjarret kanë prekur qarqet Dibër, Bulqizë, Shkodër, Gjirokastër dhe të tjera.
Ekipet zjarrfikëse po punojnë për fikjen e flakëve në malin e Peladhisë në Bulqizë, “Qafa e Lacit” në Vau i Dejës dhe në zonën e mbeturinave në Gjirokastër.
Në Parkun Kombëtar Lurë, zjarri është i kontrolluar dhe monitorohet nga forcat e emergjencës.
Zjarret kanë shkatërruar mbi 150 hektarë tokë dhe rreth 1000 rrënjë ullinj, ndërkohë që janë regjistruar edhe dëme materiale në Fier dhe Gjirokastër.
