Qeveria kubane ka shkarkuar nga detyra ministren e Punës dhe Sigurimeve Shoqërore, Marta Elena Feitó. Ajo u shkarkua pasi në një deklaratë tha se “në Kubë nuk ka lypës, por njerëz që sillen si të tillë për të shmangur punën”.
Presidenti i Kubës, Miguel Díaz-Canel e kritikoi ashpër Feitón për mungesë empatie dhe moskuptim të thellë të shkaqeve që qëndrojnë pas varfërisë dhe pabarazive sociale.
“Njerëzit që shfaqen në rrugë si të pastrehë apo që merren me lypje, janë rezultat i pabarazive sociale dhe problemeve të grumbulluara ndër vite. Të pambrojturit nuk janë armiqtë tanë,” tha presidenti kuban.
