Kuvendi i Kosovës nuk ka arritur as sot të konstituohet, në përpjekjen e 48-të me radhë për zgjedhjen e kryetarit dhe kryesisë së re.
Seanca u ndërpre pasi propozimi për krijimin e komisionit për votimin e fshehtë nuk mori mbështetjen e nevojshme.
Megjithëse pati vota për, mungesa e kundërshtimeve apo abstenimeve bëri që propozimi të mos kalojë sipas rregullores.
Kryesuesi Avni Dehari njoftoi se seanca e radhës do të zhvillohet sërish sot, në orën 11:00.
Opozita i ka bërë thirrje Vetëvendosjes për një zgjidhje konsensuale, ndërsa afati kushtetues për konstituim 30 ditë nga seanca e parë më 15 prill tashmë është tejkaluar.
