Autoritetet tatimore kanë vijuar aksionin për sekuestrimin e produkteve ushqimore të shitura pa faturë, duke u përqendruar te qumështi, bulmeti dhe mishi.
Kryeministri Edi Rama publikoi pamje nga kontrollet e zhvilluara në tregje të ndryshme, ku inspektorët tatimorë kanë bllokuar sasi të konsiderueshme mallrash që nuk kishin dokumentacionin e nevojshëm.
Sipas tij, ky aksion është pjesë e një fushate më të gjerë për të ndaluar evazionin fiskal dhe për të garantuar sigurinë ushqimore të qytetarëve.
Kryeministri theksoi se kushdo që tregton produkte të tilla pa faturë, rrezikon sekuestro dhe ndëshkime ligjore.
