Zjarri po vijon ende në Dukat dhe po rrezikohet fshati, si dhe parku kombëtar i Llogarasë. Ministri i Mbrojtjes, Pirro Vengu në një deklaratë nga Vlora u shpreh se të gjitha forcat ndodhen në terren për të shuar flakët.
Vengu tha se në terren është helikopteri Cougar i Forcave të Armatosura, 30 forca zjarrfikëse, por edhe 30 efektivë të ushtrisë krahas shtabit të Emergjencave Civile.
Vengu thotë se situata e zjarrvënieve të qëllimshme është kthyer problem në të gjithë vendin. Ai paralajmëron se do të merren masa që të mund të vëzhgojnë territoret nga ajri për të evidentuar piromanët të cilët shkaktojnë të tilla situata.
