Papa Leoni XIV ka zhvilluar sot një bisedë telefonike me presidentin palestinez Mahmud Abaz. Papa gjatë bisedës përsëriti thirrjen për respekt të plotë të së drejtës ndërkombëtare humanitare.
Ai ka theksuar rëndësinë për të mbrojtur civilët dhe vendet e shenjta, si dhe ndalimin e përdorimit të dhunës pa dallim dhe zhvendosjen masive të popullsisë.
Gjithashtu Papa ka nënvizuar rëndësinë urgjente të ofrimit të ndihmës për ata që janë më të ekspozuar ndaj pasojave të konfliktit dhe nevojën për të lejuar hyrjen e ndihmës humanitare në territor.
