Një valë ekstreme e të nxehtit ka përfshirë pjesën më të madhe të Iranit. Si pasojë janë shkaktuar probleme serioze me furnizimin me ujë dhe energji elektrike. Temperaturat priten që të zgjasin deri të enjten.
Temperaturat kanë arritur 40°C në të paktën 10 kryeqytete provinciale. Ndërsa në jug të vendit, qyteti Sambankareh regjistroi një rekord prej 53°C të hënën.
Autoritetet për të përballuar krizën energjetike shpallën disa ditë pushimi në Teheran për të kursyer ujin dhe energjinë. Ndërsa në disa provinca është kufizuar orari i administratës publike dhe janë mbyllur përkjohësisht ndërtesat shtetërore.
