Kreu i KQZ, Ilirjan Celibashi ka vendosur ditën e sotme se mandati i koalicionit ‘Nisma Shqipëria Bëhet’, i ka kaluar Kleana Xhuvelit. Lapaj si më i votuari i listës së hapur të koalicionit pretendonte ta merrte vetë mandatin, ndërkohë që vendin e deputetit e pretendoi edhe daja i Endri Shabanit.
Gjithashtu Komisioni Qendror i Zgjedhjeve ka vendosur se mandatin e Partisë Social-Demokrate në Tiranë, të drejtuar nga Tom Doshi, do ta marrë Tedi Mula.
Tedi Mula ishte më i votuari në listën e hapur të kësaj force politike në kryeqytet dhe zgjedhja e tij erdhi pasi PSD kërkoi ditën e sotme djegien e listës së mbyllur të Tiranës, kërkesë që u pranua nga KQZ, e cila njohu dorëheqjet nga marrja e mandatit.
