Policia e Kosovës ka arrestuar katër zyrtarë nga Drejtoria e Urbanizmit dhe ajo e Gjeodezisë dhe Kadastrës në Gjakovë. Ata dyshohet se kanë mundësuar që në mënyrë të kundërligjshme të bëhet bartja e pronave në pronësi të personave të tretë.
Sipas njoftimit, zyrtarët dy burra dhe dy gra, dyshohet se këto veprime i kanë bërë gjatë vitit 2018 dhe 2019.
Pas hetimeve të kryera janë siguruar dëshmi se të arrestuarit kanë lëshuar kundërligjshëm vendimet për parcelizimin dhe bartjen e pronave tek personat e tretë, pa dijeninë dhe autorizimin e pronarëve legjitimë.
