Kryeministri Edi Rama ka prezantuar sot një nismë të re të qeverisë në fushën e kontrollit të territorit, Kryeinspektorati Digjital i Territorit. Edi Rama e cilësoi këtë strukturë si një inovacion, që do të ndihmojë në monitorimin e aktiviteteve të ndryshme në mbarë vendin.
“Ju prezantoj me një tjetër inovacion të qeverisjes: Kryeinspektoriatin Digjital të Territorit. Videoja është një fragment i shkurtër i informacionit që ky Kryeinspektorat po mbledh nëpër Shqipëri, për të filluar punën për zbatimin e masave të reja ligjore të kontrollit të territorit.
Ky Kryeinspektorat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira” shkruan Rama.
