Një zjarr ka rënë në fshatin Kalasë të Delvinës. Flakët kanë përfshirë disa plantacione me drurë frutorë dhe janë duke iu afruar rrezikshëm masiveve me ullinj në afërsi të fshatit Fushë-Vërri.
Për shkak të erës së fortë dhe temepratuave të larta, zjari po përhapet me shpejtësi. Autoritetet kanë angazhuar edhe dy helikopterë për të ndihmuar nga ajri në operacionin e shuarjes së flakëve.
Ndërsa në terren ndodhen katër automjete zjarrfikëse dhe dhjetëra efektivë. Gjithashtu është kërkuar ndihma e banorëve të fshatrave Kalasë, Tatzat, Fushë-Vërri dhe Vanë, për të ndihmuar me mjete të improvizuara në frenimin e përhapjes së zjarrit.
