Ministri i Mbrojtjes, Pirro Vengu ishte sot duke ndjekur nga afër situatën e zjarreve në tre fshatrat në Delvinë. Vengu teksa po fliste me banorët e fshatit Palavli u shpreh se situata po monitorohet dhe se janë në gatishmëri në çdo moment.
Ai i tha njërit nga banorëve që pasi të verifikohen shtëpitë që nuk kanë vatra zjarri, do t’i njoftojnë që të rikthehen.
“Do verifikojmë a janë të sigurta banesat, nga momenti që i kemi verifikuara të gjitha që nuk ka vatra të vogla dhe të fshehura do ju njoftojmë që të riktheheni që sonte, pak durim”, tha Vengu.
