Një zjarr ka përfshirë sot zonën e Parkut Kombëtar të Prespës në Pustec, duke shkaktuar mobilizimin e forcave zjarrfikëse dhe strukturave të tjera të emergjencës.
Mbi 50 persona, përfshirë zjarrfikësit e Bashkisë Pustec, stafin e ADZM-së, policinë kufitare dhe përfaqësues të prefekturës së Korçës me prefektin Nertil Jole, janë angazhuar për të ndërhyrë dhe për të kontrolluar situatën.
Ndërhyrjet e para janë kryer, ndërsa situata po monitorohet vazhdimisht për të parashikuar hapat e mëtejshëm.
