Policia e Librazhdit ka finalizuar operacionin “Partners in Crime”, ku janë arrestuar dy persona, V. K. 32 vjeç dhe M. K. 33 vjeç, pas dy vjedhjeve të dhunshme në fshatin Sheje.
Ata i morën me dhunë portofolin dhe çantën dy të moshuarve, më 25 dhe 27 korrik 2025. Celularët e vjedhur u shitën më pas tek E. Sh. 40 vjeç, i cili u arrestua gjithashtu.
Policia sekuestroi 4 celularë, çantën e vjedhur, automjetin dhe disa veshje që dyshohet se janë përdorur nga autorët.
Hetimet vijojnë për zbardhjen e veprimtarisë kriminale dhe materialet iu referuan Prokurorisë së Elbasanit.
