Gentian Sula një nga biznesmenët e përfshirë në dosjen “Veliaj”, ka sqaruar detaje lidhur me marrëdhënien e tij me Ajola Xoxën dhe kontratën e nënshkruar për blerjen e një pasurie.
Ai ka dhënë shpjegime për hetuesit pas ngjarjeve të 9 janarit 2025, duke theksuar se ishte i tronditur dhe paqartë për përgjegjësinë e tij gjatë deklaratës fillestare.
Sula ka theksuar se ai kishte improvizuar në thëniet e tij duke mos kuptuar plotësisht seriozitetin e situatës dhe rëndësinë e dëshmisë.
Më pas ai ka reflektuar dhe ka konfirmuar se nuk ka asgjë për të fshehur, duke theksuar se zhvillon një biznes të ndershëm dhe është qytetar i rregullt.
Lidhur me kontratën e datës 04.12.2024, që përfshin një shumë prej 220.000 eurosh për blerjen e pasurisë në rrugën Brigada VIII, Sula ka mohuar se ka paguar shumën e sekuestruar në kasafortë. Ai ka sqaruar se kontrata ishte nënshkruar si një favor për Ajola Xoxën, pa pasur dijeni për rrethanat që do të çonin deri në përdorimin e saj në gjykatë.
Sula ka theksuar se ishte në padijeni për problemet ligjore të Xoxës dhe se nuk kishte marrë informacion të plotë mbi nevojën e saj për këtë kontratë.
