Reshjet e shiut që kanë përfshirë Elbasanin dhe disa bashki të Qarkut këtë mëngjes shkaktuan dëme të vogla.
Era e fortë shkaktoi thyerjen e degëve të pemëve dhe rrëzimin e vazove nga ballkonet. Dëme u raportuan edhe në tendat e diellit të disa bizneseve dhe banesave.
Autoritetet lokale janë në terren për pastrimin dhe vlerësimin e situatës, ndërsa qytetarët janë paralajmëruar për mundësinë e reshjeve të tjera dhe duhet të tregojnë kujdes.
