Grupi kriminal që trafikon 6 ton kokainë nga Amerika Latine në drejtim të BE-së dhe Britanisë së Madhe është goditur nga autoritetet shqiptare.
Trafiku i drogës ka një vlerë prej 411 milionë eurosh.
Në kuadër të operacionit, janë arrestuar Ermir Ndreaj, Artur dhe Klevis Hoxhosman, Plarent Dervishaj dhe Erion Alibej, ndërsa Ilir Lloshi dhe Devid Patrut janë shpallur në kërkim.
Në komunikimet e zbardhura nga platforma SKY ECC, Plarent Dervishaj bisedon me persona të panjohur për kalimin e 188 çantave me kokainë nga San Marta, Kolumbi, në portin e Anvers, me ndihmën e bashkëpunëtorëve të brendshëm në port.
