Ditën e sotme u zhvillua ceremonia e betimit të 26 prokurorëve të rinj, ku ishte i pranishëm edhe Prokurori i Përgjithshëm, Olsian Çela.
Gjatë fjalës së tij Çela u shpreh se sistemi i drejtësisë po kalon një moment të vështirë, sidomos Prokuroria. Në fund ai i uroi suksese 26 prokurorëve të rinj dhe nënvizoi se nga nesër do t përballen me shumë përgjegjësi.
“Ajo që kërkoj nga ju është të shikoni veten si pjesë e një skuadre të madhe. Dhe të keni një qasje tjetër nga ajo që keni pasur në shkollën e Magjistraturës apo faktulteti juridik. Nga nesër ose pasnesër do përballeni me shumë përgjegjësi. Sistemi i drejtësisë, sidomos Prokuroria po kalon një moment të vështirë. Mendoj se me entuziazmin dhe ndihmën e mbeshtetjen e përgjegjësve tuaj apo Prokuroria e Përgjithshme dhe KLP, do t’ju bëjë të keni sukses.”, u shpreh Çela.
