Fituesja gjermane e medaljes së artë olimpike, Laura Dahlmeier, ka ndërruar jetë në një aksident gjatë ngjitjes në malin Laila në Pakistan.
Ajo u godit nga rënie shkëmbinjsh teksa ndodhej në vargmalin Karakoram dhe mbeti e bllokuar që prej të hënës në një lartësi prej rreth 5,700 metrash.
Për shkak të motit të keq, helikopterët nuk mundën të ndërhynin në kohë.
Dahlmeier, 31 vjeç, ishte një nga sportistet më të suksesshme në biatlon, me dy medalje të arta olimpike dhe shtatë tituj kampione bote.
Lajmi për vdekjen e saj u konfirmua të mërkurën nga autoritetet pakistaneze, ndërsa vijojnë përpjekjet për të nxjerrë trupin nga mali.
Partnerja e saj e ngjitjes, Marina Eva, arriti të shpëtojë duke u ndihmuar nga ekipet e shpëtimit.
