Presidenti amerikan Donald Trump ka paralajmëruar se do të vendosë tarifa deri në 50% ndaj disa produkteve të importuara nga Brazili, duke kushtëzuar çdo negociatë tregtare me çështjen politike të ish-presidentit Jair Bolsonaro, një aleat i tij i ngushtë.
SHBA ka një suficit tregtar prej 6.8 miliardë dollarësh me Brazilin, ndërsa eksportet braziliane në SHBA kapin mbi 40 miliardë dollarë.
Presidenti aktual brazilian, Luiz Inácio Lula da Silva, i ka kundërshtuar kërcënimet, duke theksuar se “Brazili nuk është koloni” dhe nëse SHBA vendos tarifa, Brazili do të zgjerojë bashkëpunimin tregtar me Kinën.
Ai nënvizoi se tregu global nuk rrotullohet vetëm rreth SHBA-së, duke paralajmëruar Uashingtonin për pasojat e një lëvizjeje të tillë.
