Ministri i Jashtëm i Gjermanisë, Johann Wadephul ka deklaruar se procesi për një zgjidhje me dy shtete mes Izraelit dhe Palestinës duhet të nisë menjëherë. Ai theksoi se njohja e shtetit palestinez duhet të vijë si rezultat i negociatave.
“Një zgjidhje e negociuar me dy shtete mbetet e vetmja rrugë që mund t’u ofrojë njerëzve në të dy anët një jetë me paqe, siguri dhe dinjitet”, tha ai përpara një vizite në Izrael dhe territoret palestineze.
Wadephul paralajmëroi se Berlini do të reagojë ndaj veprimeve të njëanshme në këtë drejtim. Ai theksoi se Gjermania mbështet një proces të strukturuar negociatash që të çojë drejt njohjes së shtetit palestinez.
